Gürcüstanın baş naziri koronavirusla bağlı əhaliyə müraciət etdi

“Gürcüstanda koronavirusla bağlı təşvişə heç bir əsas yoxdur”.

InterPress.ge xəbər verir ki, bu barədə Gürcüstanın baş naziri Giorgi Qaxaria hökumətin iclasında bildirib.

O deyib ki, ötən gün yaradılan koordinasiya qrupu vəziyyəti tam nəzarətdə saxlayır.

“Bildiyiniz kimi, dünən ölkədə koronavirusun ilk halı qeydə alınıb. Əvvəlcə vurğulamaq istəyirəm ki, çaxnaşma üçün heç bir səbəbimiz yoxdur. Səhiyyə Nazirliyi, aidiyyəti qurumlar və İdarələrarası Koordinasiya Şurası vəziyyətə tam nəzarət edir. Əsas odur ki, hamımız virusla bağlı tövsiyələrə əməl etməliyik".

Baş nazir qeyd edib ki, hökumətin qərarı ilə ötən gün İrana bütün gediş-gəliş məhdudlaşdırılıb.