Avtomobil piyadanı vuraraq öldürüb

Tbilisidə Moskva prospektində baş verən yol-nəqliyyat hadisəsi bir nəfərin həyatına son qoyub. Mövcud məlumata görə, avtomobil piyadanı vurub və o, hadisə yerində dünyasını dəyişib.

InterPress.ge xəbər verir ki, ilkin məlumata əsasən, ölən şəxs 50 yaşdan yuxarı kişidir.

Gürcüstan Daxili İşlər Nazirliyindən bildirilib ki, faktla bağlı Cinayət Məcəlləsinin 276-cı maddəsi ilə istintaq başlanıb. Həmin maddə nəqliyyat vasitələrinin hərəkət təhlükəsizliyi və ya istismarı qaydalarının pozulmasını nəzərdə tutur.