İnterpolun qırmızı bülleteni ilə axtarışda olan 2 xarici vətəndaş saxlanılıb

Gürcüstan Daxili İşlər Nazirliyinin Patrul Polisi Departamentinin əməkdaşları İnterpolun qırmızı bülleteni ilə axtarışda olan 2 xarici ölkə vətəndaşını Acarıstanda saxlayıblar.

InterPress.ge xəbər verir ki, DİN-in məlumatına görə, saxlanılan şəxslər Almaniyanın hüquq-mühafizə orqanlarının tələbi əsasında müxtəlif ağır kateqoriyalı cinayətlər, o cümlədən hədə-qorxu ilə pul tələb etmək məqsədilə adam oğurluğu, zorlama və sağlamlığa xəsarət yetirmə ittihamları üzrə axtarışda olublar.

“Saxlanılan şəxslər barələrində beynəlxalq axtarış elan edilməzdən əvvəl Gürcüstan sərhədini keçiblər. Hazırda saxlanılan şəxslərlə bağlı qanunvericilikdə nəzərdə tutulan ekstradisiya prosedurları həyata keçirilir”, – məlumatda bildirilib.