Tramp İranla bağlı sanksiyaların yumşaldılması barədə xəbəri təkzib edib

ABŞ Prezidenti Donald Tramp İranın nüvə sazişi qarşılığında sanksiyaların yumşaldılmasını təklif etdiyi barədə yayılan məlumatları təkzib edib.

InterPress.ge xəbər verir ki, Tramp “Axios” nəşrinin yaydığı məlumatlara münasibət bildirərək, İrana “heç nə təklif etmədiyini” deyib.

“Axios-un məqaləsi, əksər digər məqalələr kimi, yalandır. Onlar bu saxta məqaləni dərhal silməlidirlər!” – Tramp “Truth Social” platformasında yazıb.

Qeyd edək ki, “Axios” və CNN ABŞ Prezidenti Donald Trampın nüvə məsələsində “konkret irəliləyiş” əldə olunması müqabilində Tehrana qarşı sanksiyaları yumşaltmağa və dondurulmuş aktivləri blokdan çıxarmağa hazır olduğu barədə məlumat yayıb.