Rusiyada keçirilən seçkilərin ilkin nəticələri açıqlanıb

Rusiya Dövlət Dumasına keçirilən seçkilərdə hakim “Vahid Rusiya” partiyası 57,48% səslə liderlik edir. Məlumatı Rusiya mediası ölkənin Mərkəzi Seçki Komissiyasına istinadən yayıb.

InterPress.ge xəbər verir ki, hazırda bülletenlərin 75,31%-i hesablanıb.

İkinci yerdə 14,03% səslə “Rusiya Federasiyası Kommunist Partiyası” qərarlaşıb. “Liberal-Demokratik Partiya” 8,75%, “Yeni İnsanlar” partiyası isə 8,01% səs toplayıb. Beşinci yerdə 5,01% səslə “Ədalətli Rusiya” partiyasıdır.

Rusiyanın Mərkəzi Seçki Komissiyasının məlumatına görə, seçici fəallığı 56,66% təşkil edib.

Məlumat üçün bildirək ki, IX çağırış Dövlət Dumasına seçkilər sentyabrın 18–20-də keçirilib.