Rusiyada aparılacaq təmir işləri səbəbindən Ermənistana təbii qazın verilişi müvəqqəti dayandırılacaq

Rusiya Federasiyası ərazisində planlaşdırılan profilaktik və bərpa işləri ilə əlaqədar Ermənistana təbii qazın verilişi müvəqqəti dayandırılacaq.

InterPress.ge xəbər verir ki, bu barədə yerli media “Qazprom Ermənistan” şirkətinə istinadən məlumat yayıb.

Məlumata görə, “Şimali Qafqaz – Zaqafqaziya” magistral qaz kəmərində kompleks profilaktik və bərpa işlərinin aparılması ilə əlaqədar sentyabrın 15-dən 25-dək Ermənistan üçün təbii qaz təchizatı müvəqqəti dayandırılacaq.

Bildirilib ki, qeyd olunan müddətdə ölkə istehlakçılarının fasiləsiz və etibarlı qaz təchizatı heç bir məhdudiyyət olmadan daxili ehtiyatlar və İran İslam Respublikasından əlavə həcmdə təbii qazın tədarükü hesabına təmin ediləcək.