Faciəvi hadisə zamanı 15 yaşlı yeniyetmə həyatını itirdi

Saqareco bələdiyyəsinin Tulari kəndində 15 yaşlı qız faciəli şəkildə həyatını itirib.

InterPress.ge xəbər verir ki, yerli sakinlərin məlumatına görə, yeniyetmə evinin həyətində yelləncəkdə oturub. Bu zaman metal konstruksiyaya bərkidilmiş kəndir onun boynuna dolanıb.

Ailə üzvləri qızı daha sonra artıq ölmüş vəziyyətdə aşkar ediblər.

Hadisə ilə bağlı Gürcüstan Daxili İşlər Nazirliyi tərəfindən Cinayət Məcəlləsinin 115-ci maddəsi – intihara çatdırma faktı üzrə araşdırma başlanıb.