2 yaşlı uşaq binanın 8-ci mərtəbəsindən yıxılaraq ölüb

Batumidə İnasaridze küçəsində yerləşən binalardan birinin 8-ci mərtəbəsindən 2 yaşlı uşaq yıxılıb.

InterPress.ge xəbər verir ki, yerli sakinlərin məlumatına görə, azyaşlı hadisə yerində dünyasını dəyişib. Bildirilir ki, uşaq xarici ölkə vətəndaşı olub.

Gürcüstan Daxili İşlər Nazirliyindən verilən məlumata görə, faktla bağlı Cinayət Məcəlləsinin 116-cı maddəsi ilə araşdırma aparılır. Maddə ehtiyatsızlıqdan insan ölümünə səbəb olmanı nəzərdə tutur.