Taker Karlson: “Bu sənəd İranın terrorçu dövlət olmadığını qəbul edir”
Amerikalı jurnalist və siyasi şərhçi Tucker Carlson ABŞ ilə İran arasında imzalanması nəzərdə tutulan memorandum barədə danışarkən bildirib ki, sənəd İranın terrorçu dövlət olmadığını faktiki olaraq qəbul edir.
InterPress.ge xəbər verir ki, Karlson İranı suveren dövlət adlandıraraq, onun ABŞ ilə bərabər səviyyədə danışıqlar aparmasının əhəmiyyətinə diqqət çəkib.
“Bu sənəd İranın terrorçu dövlət olmadığını qəbul edir. İran suveren bir dövlətdir. Əslində, böyük gücdür, çünki dünyanın ən güclü dövləti olan Amerika Birləşmiş Ştatları ilə danışıqlar aparır”, – deyə Taker Karlson qeyd edib.
Jurnalistin sözlərinə görə, Vaşinqton və Tehran arasında əldə olunan razılaşma tərəflər arasında münasibətlərin yeni mərhələyə keçdiyini göstərir və İranın beynəlxalq arenadakı statusu ilə bağlı mühüm siyasi mesajlar verir.
Qeyd edək ki, ABŞ və İran arasında əldə olunan memorandumda Hörmüz boğazında gəmiçiliyin bərpası, nüvə proqramı üzrə öhdəliklər, sanksiyaların mərhələli şəkildə yumşaldılması və yekun saziş üzrə 60 günlük danışıqlar prosesinin başlanması nəzərdə tutulur.
