BVF Gürcüstan üzrə proqnozunu yaxşılaşdırdı: İqtisadi artım 6,5 faizə yüksəldildi
Beynəlxalq Valyuta Fondu (BVF) Gürcüstan iqtisadiyyatı ilə bağlı yeni hesabat yayımlayaraq ölkə üzrə iqtisadi artım proqnozunu 6,5 faizə qədər artırıb.
InterPress.ge xəbər verir ki, BVF-nin dərc etdiyi "Gürcüstan: 2026-cı il üzrə IV Maddə çərçivəsində aparılmış məsləhətləşmələr" adlı hesabatda qeyd olunur ki, qlobal qeyri-müəyyənliyin güclənməsinə, o cümlədən Yaxın Şərqdə davam edən münaqişələrə baxmayaraq, Gürcüstan iqtisadiyyatı yüksək dayanıqlılığını qoruyub saxlayıb.
Hesabatda bildirilir ki, 2025-ci ildə Gürcüstanda real iqtisadi artım 7,5 faiz təşkil edib və 2026-cı ilin əvvəlində də iqtisadiyyat güclü inkişaf tempini qoruyub.
"Bununla yanaşı, enerji daşıyıcılarının qiymətlərinin artması səbəbindən inflyasiya hədəf göstəricisini üstələyib və 2026-cı ilin aprel ayında 5,9 faizə çatıb", – deyə BVF-nin hesabatında qeyd olunub.
