Tramp: Netanyahuya dedim ki, çox ehtiyatlı ol, çünki tezliklə İrana qarşı tək qala bilərsən
ABŞ prezidenti Donald Tramp bildirib ki, İsrailin baş naziri Benyamin Netanyahunu İrana qarşı mümkün qarşıdurma ilə bağlı xəbərdar edib.
InterPress.ge xəbər verir ki, bu barədə ABŞ prezidenti Donald Trump İsrailin Channel 12 telekanalına müsahibəsində danışıb.
Trampın sözlərinə görə, o, Netanyahu ilə telefon danışığı zamanı İsrailin baş nazirinə ehtiyatlı davranmağı tövsiyə edib.
“Bibiyə (Netanyahuya) dedim: çox ehtiyatlı ol, çünki tezliklə İrana qarşı tək qala bilərsən”, – deyə Tramp bildirib.
ABŞ prezidentinin sözlərinə görə, bazar günü baş tutan telefon danışığında o, Netanyahuya İrana cavab zərbəsi endirməməyi tövsiyə edib. Lakin İsrail rəhbərliyi hücum qərarı verib və bu barədə Vaşinqtonu gec məlumatlandırıb.
“Onlar, israillilər bizə gec xəbər verdilər. Artıq İrana doğru yolda idilər. Mən hücumun miqyasını azaltmağa nail oldum. Bu gün səhər iranlılar bizimlə əlaqə saxlayaraq İsrailə qarşı zərbələri dayandıracaqlarını bildirdilər. Onlar bizdən İsrailə hücumları dayandırmağı çatdırmağımızı xahiş etdilər. Mən Bibiyə zəng etdim və onu dayandırdım”, – deyə Donald Tramp qeyd edib.
