Ağır yol qəzası nəticəsində bir nəfər həyatını itirdi

Gürcüstanın Qurcaani bələdiyyəsinin Veliçixe kəndində baş vermiş yol-nəqliyyat hadisəsi 38 yaşlı kişinin həyatına son qoyub.

InterPress.ge xəbər verir ki, qəza kəndin mərkəzində bir qədər əvvəl baş verib. Hadisə şahidlərinin sözlərinə görə, kişi yolu keçməyə çalışarkən minik avtomobili onu vurub.

Aldığı ağır xəsarətlər nəticəsində 38 yaşlı şəxs hadisə yerində dünyasını dəyişib.

Faktla bağlı araşdırma başlanılıb.