Mario Naufal: Almaniyada yeniyetmə Olaf Şoltsu təhqir etdiyinə görə cinayət işi ilə üzləşib

Amerikalı podkaster Mario Naufal bildirib ki, Almaniyada bir yeniyetmə sosial şəbəkədə kansler Olaf Şoltsu təhqir etdikdən sonra dövlət tərəfindən rəsmi cinayət ittihamı ilə qarşılaşıb.

InterPress.ge xəbər verir ki, Mario Naufalın sözlərinə görə, almaniyalı yeniyetmə “X” platformasında Olaf Şoltsu “əclaf” adlandırıb. Buna səbəb isə onun “Fortnite” oyununun yenilənməsinin saniyədə 173 KB sürətlə yüklənməsi və prosesin 60 saatdan çox davam etməsi olub.

Məlumata əsasən, Almaniya dövləti bu paylaşım üzrə böhtan qanunu çərçivəsində rəsmi yazılı cinayət ittihamı irəli sürüb.

Bu barədə həmçinin “Clash Report” məlumat yayıb. Bildirilir ki, yeniyetmənin paylaşımı cəmi 503 baxış toplamışdı.

Məlumata görə, 37.9 GB həcmində olan fayldan yeniyetmə yalnız 102 MB yükləyə bilmişdi və polis onun yanına yükləmə tamamlanmamış çatıb.

Hadisə daha sonra yeniyetmənin paylaşımı silməsindən sonra bağlanıb.