Bədbəxt hadisə – 3 yaşlı uşaq həyatını itirib

Saqareco bələdiyyəsinin Manavi kəndində baş verən bədbəxt hadisə nəticəsində 3 yaşlı qız ölüb.

InterPress.ge xəbər verir ki, yerli sakinlərin məlumatına görə, uşaq qonşunun həyətində olarkən hərəkətdə olan avtomobilin qapısına toxunması nəticəsində yıxılıb və baş nahiyəsindən ağır xəsarət alıb. Onların sözlərinə görə, avtomobili qadın idarə edib.

Hadisənin dəqiq başvermə şəraitinin müəyyənləşdirilməsi məqsədilə hüquq-mühafizə orqanları araşdırmalara başlayıb.

Gürcüstan Daxili İşlər Nazirliyindən bildirilib ki, faktla bağlı Cinayət Məcəlləsinin 276-cı maddəsi ilə istintaq aparılır. Həmin maddə nəqliyyat vasitəsinin hərəkət təhlükəsizliyi və ya istismar qaydalarının pozulmasını nəzərdə tutur.