Bu tarixdən güclü yağış, dolu və fırtına gözlənilir - XƏBƏRDARLIQ 

Gürcüstanın Ətraf Mühit üzrə Milli Agentliyinin məlumatına görə, mayın 15-16-da ölkənin əksər ərazilərində fasilələrlə yağış yağacağı, bəzi yerlərdə isə yağıntının güclü olacağı gözlənilir.

InterPress.ge xəbər verir ki, bəzi bölgələrdə şimşək çaxacağı, dolu düşəcəyi, güclü qərb küləyi əsəcəyi ehtimal olunur. Dənizdə isə 3-4 ballıq fırtınalı dalğalanma gözlənilir.

Məlumata əsasən, gözlənilən intensiv yağıntılar çaylarda suyun səviyyəsinin xeyli artmasına, kiçik çaylarda daşqınlara, təpəlik və dağlıq ərazilərdə isə sürüşmə və sel proseslərinin yaranması və aktivləşməsinə səbəb ola bilər.

Təhlükə səviyyəsi orta olaraq qiymətləndirilir.