36 yaşlı kişi qətlə yetirilib

Qurcaani bələdiyyəsində 36 yaşlı kişi ölü halda tapılıb. Hadisə Kardenaxi kəndində baş verib.

InterPress.ge xəbər verir ki, yerli sakinlərin məlumatına görə, kişi kənd ərazisinə yaxın üzüm bağında ölü tapılıb və ilkin baxış zamanı onun bədənində odlu silahla yetirilmiş xəsarət aşkarlanıb.

Məlumata əsasən, hadisənin bir neçə gün əvvəl baş vermiş münaqişə ilə əlaqəli ola biləcəyi ehtimal edilir. Lakin qətlin dəqiq səbəbi hələlik məlum deyil.

Hadisə yerinə polis əməkdaşları cəlb olunub.