Almaniyada federal hökumətin fəaliyyətindən narazı olanların sayı rekord səviyyəyə yüksəlib. Ölkə əhalisinin böyük əksəriyyəti hökumətin fəaliyyətini mənfi qiymətləndirir.
InterPress.ge xəbər verir ki, Almaniyada keçirilən yeni Forsa/RTL və n-tv sorğusunun nəticələrinə əsasən, “Federal hökumətin indiyədək fəaliyyətindən razısınızmı?” sualına respondentlərin 87 faizi mənfi cavab verib.
Sorğunun nəticələrinə görə, federal hökumətin fəaliyyətini müsbət qiymətləndirənlərin sayı cəmi 11 faiz təşkil edib, respondentlərin 2 faizi isə suala cavab verməyib.
X sosial şəbəkəsində yayımlanan məlumatlardan sonra nəticələr sosial mediada geniş müzakirələrə səbəb olub. Bəzi istifadəçilər bunu ironik şəkildə “Mertsin qalaktik rekordu” adlandırıblar.
