Parlament komissiyası qiymətlərlə bağlı hesabatını 1 mayda təqdim edəcək
Ərzaq məhsulları, dərman vasitələri və yanacağın qiymət formalaşmasının strukturunu araşdıran parlamentin müvəqqəti komissiyası yekun hesabatını 1 may tarixində təqdim edəcək.
InterPress.ge xəbər verir ki, bu barədə komissiyanın sədri Şota Berekaşvili bugünkü iclasın yekununda bildirib. İclasda neft şirkətlərinin nümayəndələrinin izahatları dinlənilib.
Məlumata görə, qeyd olunan məhsullar üzrə qiymətlərin öyrənilməsi məqsədilə müvəqqəti komissiya parlamentdə fevral ayında yaradılıb və ona 3 aylıq səlahiyyət müddəti verilib. Bu müddət ərzində komissiya 11 iclas keçirib.
Komissiyanın hazırladığı yekun sənəd parlament bürosuna təqdim olunacaq. Büro isə sənədi plenar iclasın gündəliyinə daxil etmək səlahiyyətinə malikdir.
Komissiyanın mövqeyi plenar iclasda komissiya sədri tərəfindən təqdim ediləcək. Eyni zamanda, müvəqqəti komissiyanın və ya parlament fraksiyalarının tələbi ilə qanunverici orqan bu sənəd əsasında xüsusi qərar da qəbul edə bilər.
