2026-cı ilin I rübündə Gürcüstana səfərlər azalıb – Statistika
2026-cı ilin birinci rübündə Gürcüstan ərazisinə beynəlxalq qeyri-rezident səyyahların 1,3 milyon girişi qeydə alınıb ki, bu da ötən ilin eyni dövrü ilə müqayisədə 1,1% azdır.
InterPress.ge xəbər verir ki, bu barədə Gürcüstan Statistika İdarəsi məlumat yayıb.
Məlumata görə, səfərlərin ən böyük hissəsi – 45,7%-i 31-50 yaş arası şəxslər tərəfindən həyata keçirilib.
Hesabat dövründə 1,3 milyon girişdən beynəlxalq ziyarətçilər tərəfindən həyata keçirilən səfərlərin sayı 1,2 milyon təşkil edib ki, bu da illik müqayisədə 0,2% azalma deməkdir.
Statistikaya əsasən, 2026-cı ilin ilk üç ayında beynəlxalq ziyarətçilərin sayı 994,8 min nəfərə çatıb və bu göstərici ötən ilin analoji dövrü ilə müqayisədə 2,5% artıb. Bu dövrdə turist tipli səfərlərin sayı 997,5 min olub ki, bu da 4% artım deməkdir.
Ziyarətçilərin 85,6%-i turistlərdən ibarət olub, 11%-i ekskursant, 3,3%-i isə hər iki kateqoriyaya aid edilib.
Ölkəyə gələn ziyarətçilərin sayına görə ilk üçlükdə Rusiya (202,4 min nəfər – 20,3%), Türkiyə (18,5%) və Ermənistan (11,8%) qərarlaşıb.
Səfərlərin sayına görə isə Türkiyə (238,4 min), Rusiya (230,7 min) və Ermənistan (160,5 min) vətəndaşları üstünlük təşkil edib.
Ziyarətçilərin 47,4%-i 31-50 yaş aralığında olub, qadınların payı isə 38,2% təşkil edib.
Səfərlərin 46,5%-i istirahət, əyləncə və rekreasiya məqsədi ilə həyata keçirilib.
Ən çox səfər Tbilisi və Acarıstan Muxtar Respublikasına edilib – müvafiq olaraq 698,6 min və 306 min səfər.
2026-cı ilin yanvar-mart aylarında səfər zamanı qalma müddəti orta hesabla 5,87 gecə təşkil edib ki, bu da ötən ilin eyni dövrü ilə müqayisədə 6,8% çoxdur.
Səfərlərin 83,6%-i təkrar səfərlər olub.
Hesabat dövründə ümumi xərclər 2,2 milyard lari təşkil edib ki, bu da illik müqayisədə 5,2% azdır. Bir səfər üzrə orta xərclər isə 5,1% azalaraq 1 897,1 lariyə düşüb.
