İranın xarici işlər naziri Pakistana səfər edib – regional məsələlər müzakirə olunacaq

İran nümayəndə heyəti Pakistana səfər edib.

InterPress.ge xəbər verir ki, Pakistan Xarici İşlər Nazirliyi İranın xarici işlər naziri Abbas Araqçinin İslamabadda olduğunu təsdiqləyib.

Məlumata görə, nazirin gəlişindən dərhal sonra onu Pakistanın xarici işlər naziri İşaq Dar, feldmarşal Asim Munir və digər yüksək vəzifəli şəxslər qarşılayıblar.

Bildirilib ki, səfər çərçivəsində Abbas Araqçi Pakistanın ali rəhbərliyi ilə görüşlər keçirəcək. Görüşlərdə regionda son dövrlər baş verən hadisələr, həmçinin sülh və sabitliyin təmin olunmasına yönəlmiş səylər müzakirə ediləcək.

Eyni zamanda, iki hökumət mənbəsi “Reuters” agentliyinə bildirib ki, Araqçi Pakistanlı həmkarı ilə görüş üçün birbaşa ABŞ-la danışıqların ilk raundunun keçirildiyi otelə yollanıb.