Marneulidə toyda mübahisə qanlı hadisə ilə sonlandı

Marneulidə toy mərasimində baş verən insident nəticəsində bir nəfər yaralanıb.

InterPress.ge xəbər verir ki, hadisə aprelin 21-də, təxminən saat 23:00 radələrində Marneulidə yerləşən şadlıq saraylarından birində baş verib.

Məlumata görə, toy zamanı əvvəlcə sözlü mübahisə yaranıb, daha sonra isə dava fiziki qarşıdurmaya çevrilib. Nəticədə 35 yaşlı kişi bıçaqlanıb.

Yaralı şəxs dərhal xəstəxanaya çatdırılıb.

Daxili İşlər Nazirliyinin məlumatına əsasən, faktla bağlı araşdırma Cinayət Məcəlləsinin 117-ci maddəsi ilə aparılır ki, bu da qəsdən sağlamlığa ağır zərər vurmanı nəzərdə tutur və 3 ildən 6 ilədək azadlıqdan məhrumetmə ilə cəzalandırılır.