Tbilisidə soyğunçuluq – azyaşlı şəxs saxlanılıb

Tbilisidə bir neçə soyğunçuluq faktı ilə bağlı azyaşlı şəxs saxlanılıb.

InterPress.ge xəbər verir ki, Daxili İşlər Nazirliyinin məlumatına görə, Tbilisi Polis Departamentinin İsani-Samqori idarəsinin əməkdaşları 2009-cu il təvəllüdlü, əvvəllər məhkum olunmuş N.S.-ni saxlayıblar.

İstintaqla müəyyən edilib ki, o, əlbir olduğu şəxs ilə birlikdə Tbilisidə yerləşən müxtəlif mağazalara əvvəlcədən razılaşdırılmış şəkildə daxil olaraq, zor tətbiq etməklə 6000 lariyə qədər pul vəsaiti ələ keçirib və hadisə yerindən qaçıb.

Məlumata görə, istintaq çərçivəsində müşahidə kameralarının görüntüləri də sübut kimi götürülüb.

Polis tərəfindən həyata keçirilən əməliyyat-axtarış və istintaq tədbirləri nəticəsində N.S. şübhəli şəxs qismində saxlanılıb, digər iştirakçının müəyyən edilərək saxlanılması istiqamətində tədbirlər davam etdirilir.

Faktla bağlı araşdırma Cinayət Məcəlləsinin 178-ci maddəsi ilə aparılır ki, bu da 8 ilədək azadlıqdan məhrumetmə cəzasını nəzərdə tutur.