Nika Qvaramia: “Biz aciz görünürük”

“Dəyişikliklər üçün Koalisiya”nın liderlərindən biri Nika Qvaramia müxalifətin vəziyyəti ilə bağlı tənqidi açıqlama verib.

InterPress.ge xəbər verir ki, Qvaramia bildirib ki, artıq xarici tərəfdaşlarla ünsiyyət də çətinləşib, çünki cəmiyyət əvvəlki kimi güc nümayiş etdirmir.

Onun sözlərinə görə, müxalifət hazırda acizlik görüntüsü yaradır.

“Bir-birimizə yalan danışa bilmərik. Mən də çox şeyi eşidirəm və bəziləri ilə razı deyiləm. İnsanlar siyasətçilər haqqında nə deyirsə, bunu nəzərə almalıyıq. Biz acizlik nümayiş etdiririk və bunu anlamalıyıq. Bu, təkcə siyasətçilərə aid deyil”, – deyə Qvaramia qeyd edib.

O əlavə edib ki, son aksiyalarda iştirakın az olması da bu vəziyyəti göstərir.

“Dünən 9 aprel ilə bağlı gecə saat 4-də parlament qarşısında cəmi 60 nəfər idik. Yağışa görə gəlməmək də bir səbəbdir. Halbuki siyasi məhbusların valideynləri insanları çağırırdı. Daha çox adamın gəlməsi daha yaxşı olardı”, – deyə o bildirib.