Zaxarova: “Aqressiv və təxribat olmadan hücum yanaşması iflasa uğradı”

Rusiyanın Xarici İşlər Nazirliyinin sözçüsü Mariya Zaxarova ABŞ və İran arasında əldə olunan atəşkəs razılaşmasına münasibət bildirib.

InterPress.ge xəbər verir ki, Zaxarova açıqlamasında aqressiv yanaşmanın nəticəsiz qaldığını vurğulayıb.

Onun sözlərinə görə, daha sərt ritorika və hücum xarakterli siyasətin uğur gətirəcəyi ilə bağlı iddialar özünü doğrultmayıb.

“Daha çox aqressiya, daha sərt ritorika və sosial şəbəkələrdə aktivlik əsas yanaşma kimi təqdim olunurdu. Lakin bu mövqe dağıdıcı məğlubiyyətə uğradı, eləcə də birtərəfli və təxribat xarakterli hücum strategiyası iflasa düçar oldu”, – deyə Zaxarova qeyd edib.

O həmçinin bildirib ki, Rusiya Yaxın Şərqdə vəziyyətin sabitləşdirilməsinə beynəlxalq hüquq normalarına uyğun şəkildə töhfə verib.

“Sabitliyin təmin olunmasına töhfə vermək milli maraqlarımızın, beynəlxalq hüququn və humanitar məqsədlərin tərkib hissəsidir”, – deyə Rusiya XİN sözçüsü əlavə edib.