Naməlum uçuş aparatının fraqmenti tapılıb - DİN araşdırma başlatdı

Xobi rayonunun Qulevi kəndi yaxınlığında ehtimal edilən uçuş aparatına aid fraqment aşkar edilib.

InterPress.ge xəbər verir ki, hadisə ilə bağlı məlumat ilkin olaraq sosial şəbəkələrdə yayılıb.

Məsələ ilə bağlı Gürcüstan Daxili İşlər Nazirliyi bildirilib ki, hazırda tapılan əşyanın hər hansı uçuş aparatına aid olub-olmaması hələ dəqiqləşdirilməyib.

Qurumun məlumatına görə, faktla bağlı Gürcüstan Cinayət Məcəlləsinin 280-ci maddəsi ilə istintaqa başlanılıb. Həmin maddə uçuşların beynəlxalq qaydalarının pozulmasını nəzərdə tutur.

Qeyd edək ki, hadisə yerinə aid görüntülər “World Military” analitik səhifəsi tərəfindən yayılıb.