Reuters: İtaliya ABŞ-a Siciliyadakı aviabazadan istifadə icazəsi verməyib

İtaliya ABŞ-ın Yaxın Şərqdə həyata keçirdiyi hərbi əməliyyatlar çərçivəsində Siciliyada yerləşən aviabazadan istifadəsinə icazə verməyib.

InterPress.ge xəbər verir ki, bu barədə Reuters mənbəyə istinadən məlumat yayıb.

Məlumata görə, söhbət Siciliyada yerləşən Siqonella aviabazasından gedir və ABŞ-a İran əleyhinə aparılan əməliyyat çərçivəsində bu bazadan istifadə üçün icazə verilməyib.

Eyni zamanda, Corriere della Sera nəşri yazır ki, ABŞ tərəfi ümumiyyətlə aviabazadan istifadə üçün rəsmi müraciət etməyib və İtaliyanın hərbi rəhbərliyi ilə də məsləhətləşmələr aparmayıb.

İtaliya hökumətinin konkret olaraq neçə ABŞ hərbi təyyarəsinin enişinə icazə vermədiyi isə açıqlanmayıb.