Marneulili idmançı Firudin Tanriverdiyev Çində keçiriləcək beynəlxalq turnirdə Gürcüstanı təmsil edəcək

Marneulidən olan gənc idmançı Firudin Tanriverdiyev Çinin Tanşan şəhərində keçiriləcək WLF Beynəlxalq Boks Çempionatında iştirak edəcək.

InterPress.ge xəbər verir ki, gənc kikboksinq döyüşçüsü Çin səfəri çərçivəsində 3 ay müddətində bir sıra böyük turnirlərdə çıxış edərək Gürcüstanı təmsil edəcək.

Məlumata görə, idmançı yalnız seçilmiş döyüşçülərin qatıldığı nüfuzlu turnirə dəvət alıb.

Qeyd edək ki, Firudin Tanriverdiyev peşəkar karyerası ərzində keçirdiyi 8 döyüşdən 6-da qalib gəlib.

Bildirilir ki, idmançı Çin mərhələsindən sonra Taylanda yollanaraq orada keçiriləcək iri turnirlərdə də iştirak edəcək.