İsrail ordusu: Tehranda hərbi infrastruktur hədəf alınır

İsrail Müdafiə Qüvvələri Tehranda hərbi obyektlərə zərbələrin endirildiyini açıqlayıb.

InterPress.ge xəbər verir ki, bu barədə İsrail ordusunun yaydığı bəyanatda qeyd olunub.

“Hazırda İsrail Müdafiə Qüvvələri Tehranın müxtəlif ərazilərində İran rejiminin hərbi infrastrukturunu hədəf alır”, – deyə açıqlamada bildirilir.

Bununla yanaşı, İsrail ordusu İran ərazisindən ölkəyə doğru raketlərin buraxıldığını da qeydə aldıqlarını və hava hücumundan müdafiə sistemlərinin onları zərərsizləşdirmək üçün işlədiyini açıqlayıb.

Qurum əhalini ehtiyatlı olmağa və rəsmi təhlükəsizlik təlimatlarına riayət etməyə çağırıb.