Hörmüz boğazında zədələnən Tayland gəmi batdı – 3 nəfər itkin düşüb

Tayland bayrağı altında üzən “Mayuri Nari” adlı yük gəmisi İranın Keşm adası yaxınlığında batıb.

InterPress.ge xəbər verir ki, bu barədə BBC İran mediasına istinadən məlumat yayıb.

Məlumata görə, gəmi iki həftə əvvəl Hörmüz boğazından tranzit keçərkən zərbəyə məruz qalıb.

Tayland hakimiyyətinin açıqlamasına əsasən, Oman Hərbi Dəniz Qüvvələri 11 mart tarixindən etibarən gəminin ekipaj üzvlərindən 20 nəfəri xilas edib, 3 nəfər isə itkin düşmüş hesab olunur.

Qeyd olunur ki, “Mayuri Nari” İran sahilləri yaxınlığında hücuma məruz qalan təxminən 20 kommersiya gəmisindən biri olub.