Röya Ayxanın Tbilisidə planlaşdırılan konserti təxirə salındı

Gürcüstanın Katolikos-Patriarxı II İliyanın vəfatı ilə əlaqədar Tbilisidə keçirilməsi planlaşdırılan konsert təxirə salınıb.

InterPress.ge xəbər verir ki, bu barədə konsert təşkilatçıları məlumat yayıb.

Bildirilib ki, ölkədə elan olunan matəm və ümumi hüzn səbəbindən Azərbaycanın xalq artisti Röya Ayxanın konserti başqa tarixə keçirilib.

Təşkilatçıların məlumatına görə, konsert 25 may 2026-cı il tarixində baş tutacaq və daha əvvəl alınmış biletlər etibarlı olaraq qalır.

Qeyd olunub ki, biletləri geri qaytarmaq istəyənlər 27 mart saat 19:00-dək biletebi.ge vasitəsilə müraciət edə bilərlər.

Təşkilatçılar Gürcüstan xalqına başsağlığı verərək anlayışa görə təşəkkür ediblər.