Ağır yol qəzası nəticəsində gənc oğlan həyatını itirdi

Laqodexi bələdiyyəsində baş verən yol-nəqliyyat hadisəsi nəticəsində 26 yaşlı gənc həlak olub.

InterPress.ge xəbər verir ki, qəza Çabukiani kəndi istiqamətinə gedən yolda baş verib.

Yerli sakinlərin bildirdiyinə əsasən, gənc Ford markalı mikroavtobusla hərəkətdə olarkən sükanı idarə edə bilməyib, avtomobil sürüşərək yolun hərəkət hissəsindən çıxıb.

Hadisə nəticəsində gənc kişi baş nahiyəsindən aldığı ağır xəsarətlər səbəbindən hadisə yerində həyatını itirib.

Faktla bağlı araşdırma başlanıb.