Kaya Kallas: Gürcüstan hökuməti düzgün istiqamətdə irəliləmir
Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas bildirib ki, Gürcüstan hökuməti düzgün istiqamətdə hərəkət etmir.
InterPress.ge xəbər verir ki, Kallas bu barədə Brüsseldə keçirilən Avropa İttifaqı Xarici İşlər Şurasının iclasından əvvəl açıqlama verib.
Onun sözlərinə görə, bugünkü görüşdə nazirlər Gürcüstandakı vəziyyəti də müzakirə edəcəklər.
Kallas bildirib ki, ölkədə vəziyyət getdikcə daha ciddi xarakter alır.
“Əlbəttə, bu gün biz Gürcüstan məsələsini də müzakirə edəcəyik. Gürcüstanda vəziyyət daha da ciddi olur. Martın 6-dan diplomatlar üçün viza məhdudiyyətləri qüvvəyə minib. Biz bundan sonra daha hansı addımların atıla biləcəyini müzakirə edirik. Gürcüstan hökuməti düzgün istiqamətdə irəliləmir”, – deyə Kaya Kallas qeyd edib.
