Tengiz Şarmanaşvili Davit Darçiaşvilinin “İmedi” ilə bağlı açıqlamasına cavab verib

Parlament çoxluğunun üzvü Tenqiz Şarmanşvili müxalifət nümayəndəsi Davit Darçiaşvilinin “İmedi” telekanalı ilə bağlı səsləndirdiyi fikirlərə münasibət bildirib.

InterPress.ge xəbər verir ki, Şarmanşvili  bu barədə sosial şəbəkədə yazıb.

O, qeyd edib ki Darçiaşvilinin açıqlaması müxalifətin özünün qlobal idarəetmə şəbəkəsinin mövcudluğunu etiraf etdiyini göstərir.

Deputatın sözlərinə görə, belə bir şəbəkənin mövcud olub-olmaması ilə bağlı mübahisə mənasızdır və onun necə adlandırılması əhəmiyyət daşımır.

“Qlobal şəbəkə yoxdurmu? İstəsən ona ‘deep state’ de, istəsən qlobal radikal mərkəz, istəsən qlobal müharibə partiyası, istəsən də qlobal xeyirxah birlik. Özləri deyirlər, qulaq asın”, – deyə Tenqiz Şarmanşvili qeyd edib.