İsrail səfiri Gürcüstanın baş naziri ilə görüşüb

Gürcüstandakı İsrail səfirliyi baş nazir ilə İsrailin Gürcüstandakı səfiri arasında keçirilən görüş barədə məlumat yayıb.

InterPress.ge xəbər verir ki, səfirlikdən bildirilib ki, səfir baş nazirə Yaxın Şərqdə baş verən son hadisələr barədə məlumat verib.

Səfirliyin açıqlamasına görə, görüş “yaxşı və konstruktiv” atmosferdə keçib və tərəflər regionda baş verən prosesləri müzakirə ediblər.

Bununla yanaşı, görüş zamanı iki ölkə və xalqlar arasında mövcud olan yaxşı münasibətlərin və əməkdaşlığın daha da inkişaf etdirilməsi yolları da nəzərdən keçirilib.