Gürcüstandan son günlərdə 74 xarici ölkə vətəndaşı deportasiya olunub
Gürcüstan Daxili İşlər Nazirliyi son günlərdə 74 xarici ölkə vətəndaşının ölkədən deportasiya edildiyini açıqlayıb.
InterPress.ge xəbər verir ki, bu barədə məlumatı Daxili İşlər Nazirliyi yayıb.
Məlumata görə, ölkədən Azərbaycan, Belarus, Misir, Türkmənistan, Hindistan, İordaniya, Nigeriya, Rusiya, Ermənistan, Özbəkistan, Qazaxıstan, Çexiya, Çin və Türkiyə vətəndaşları deportasiya edilib.
Nazirliyin bildirdiyinə görə, Daxili İşlər Nazirliyinin Miqrasiya Departamentinin əməkdaşları digər müvafiq bölmələrlə sıx koordinasiya şəraitində həyata keçirilən tədbirlər nəticəsində bu şəxsləri Gürcüstandan çıxarıblar.
Miqrasiya Departamentinin keçirdiyi kompleks tədbirlər nəticəsində ümumilikdə 74 nəfər ölkədən deportasiya olunub.
Qüvvədə olan qanunvericiliyə əsasən, deportasiya edilən şəxslərə Gürcüstana yenidən daxil olmaq qadağan edilib.
