Marneulidə dörd avtomobil bir-biri ilə toqquşdu- Yaralı var (FOTO)

Marneulidə zəncirvari yol-nəqliyyat hadisəsi qeydə alınıb.

InterPress.ge xəbər verir ki, qəza şəhərin mərkəzində, Rustaveli küçəsində yerləşən Durmuşxan Mağalaşvili körpüsünün üzərində baş verib.

Məlumata görə, “BMW”, “Renault”, “Honda” və “Mercedes-Benz” markalı avtomobillər bir-biri ilə toqquşub.

Hadisə nəticəsində bir nəfər baş nahiyəsindən yüngül xəsarət alıb.

Qəza yerinə təcili tibbi yardım briqadası, xilasedicilər və polis əməkdaşları cəlb olunub. Faktla bağlı araşdırma başlanılıb.