Gürcüstan parlament nümayəndə heyəti Kvinsi İnstitutunun direktoru ilə görüşüb
ABŞ-a səfər çərçivəsində Gürcüstan parlament nümayəndə heyətinin üzvləri analitik mərkəz olan “Kvinsi İnstitutu”nun direktoru Anatol Lieven və institutun tədqiqatçıları ilə görüş keçiriblər.
InterPress.ge xəbər verir ki, görüşdə ABŞ-ın yeni administrasiyasının xarici siyasəti, o cümlədən Cənubi Qafqaz regionuna münasibəti müzakirə olunub.
Tərəflər həmçinin Yaxın Şərqdə baş verən prosesləri nəzərdən keçiriblər.
Görüş zamanı Rusiya–Ukrayna müharibəsi və bu müharibəyə münasibətdə ABŞ administrasiyasının yanaşmaları barədə də fikir mübadiləsi aparılıb.
Müzakirələrin mövzularından biri də Gürcüstanda gedən proseslər olub. Xüsusilə Gürcüstanın təhlükəsizlik çağırışlarına, o cümlədən xarici müdaxilə cəhdləri və faktlarına diqqət yetirilib.
Tərəflər eyni zamanda Orta Dəhlizin inkişaf perspektivlərini və bu məsələ ilə bağlı ABŞ-ın yeni administrasiyasının baxışlarını müzakirə ediblər.
Parlament nümayəndə heyətinə Xarici Əlaqələr Komitəsinin sədri Nikoloz Samxaradze rəhbərlik edir.
Nümayəndə heyətinə Təhsil, Elm və Gənclərlə İş üzrə Komitənin sədri Mariam Laşxi, Avropaya inteqrasiya komitəsinin üzvü Lika Şartava və parlament müxalifətini təmsil edən “Xalqın Qüvvəsi”ndən Eka Sefaşvili daxildir.
