İrakli Kobaxidze: Gürcüstan və Ermənistan arasında əməkdaşlığın bütün istiqamətlər üzrə inkişafı üçün böyük potensial var

Bu gün ikitərəfli gündəliyin müxtəlif məsələlərini müzakirə etdik, siyasi və iqtisadi əməkdaşlıqla yanaşı, təhsil, mədəniyyət və idman sahələrində əməkdaşlığa da toxunduq. Münasibətlərin yüksək səviyyədə olmasına baxmayaraq, tərəfdaşlığın bütün istiqamətlər üzrə daha da inkişafı üçün əlavə potensial mövcuddur.

InterPress.ge xəbər verir ki, bu barədə Gürcüstanın Baş naziri İrakli Kobaxidze Ermənistanın Baş naziri Nikol Paşinyan ilə keçirdiyi birgə brifinqdə bildirib.

Hökumət başçısının sözlərinə görə, Gürcüstan və Ermənistan arasında yüksək səviyyəli ticarət-iqtisadi münasibətlər mövcuddur və bu baxımdan Ermənistan Gürcüstanın əsas tərəfdaşları sırasında ilk onluqda yer alır.

“Qeyd etməliyik ki, bizim çox yaxşı ticarət-iqtisadi tərəfdaşlığımız var. Ticarət dövriyyəsi baxımından Ermənistan Gürcüstanın tərəfdaşları arasında ilk onluqda yer alır. Turizm və ziyarətçilərə gəldikdə isə, bu istiqamətdə Ermənistan ölkəmiz üçün ilk üçlükdədir. Ticarət-iqtisadi əməkdaşlıq və turizm sahəsində qarşılıqlı əlaqələr bizim üçün çox dəyərlidir. Sevindirici haldır ki, Gürcüstan vətəndaşları arasında Ermənistana səfərlərə maraq getdikcə artır və bu istiqamətdə ölkələrimiz arasında əməkdaşlığın daha da inkişafına maksimum dəstək verməliyik”, – deyə baş nazir bildirib.