Parlament qarşısında etiraz aksiyası keçirilir

Parlament binası qarşısında etiraz aksiyası davam edir.

InterPress.ge xəbər verir ki, Vera parkı yaxınlığında başlayan yürüş iştirakçıları marşla parlamentə gəlib və artıq bir ildən çoxdur davam edən etiraza qoşulublar.

Yürüş iştirakçıları 9 Aprel memorialını lalələrlə bəzəyib, qanunverici orqanın qarşısında isə Gürcüstanın dövlət himnini səsləndiriblər.

Aksiyada Gürcüstanın beşinci prezidenti Salome Zurabişvili də iştirak edib. O bildirib ki, ölkə üçün təhqirdir ki, onun polisi başqa tərəfdə dayanır və “bu gün burada dayanmayan şəxs Gürcüstanın tərəfində deyil”.

“Mənim üçün [‘Gürcü Arzusu’nun nümayəndələrinin] nə deməsinin əhəmiyyəti yoxdur, önəmli olan əməllərdir. Bu gün Gürcüstan üçün canını fəda edən qəhrəmanların anım günüdür. Bu gün burada dayanmayan və bu ruhu bölüşməyən şəxs Gürcüstanın tərəfində deyil. Ölkə üçün təhqirdir ki, onun polisi başqa tərəfdə dayanır”, – deyə Salome Zurabişvili bildirib.

Aksiya iştirakçılarının sözlərinə görə, bugünkü yürüşün əsas məqsədi 1921-ci il 25 fevral hadisələrini xatırlamaq və paytaxtı son gülləyədək müdafiə edən qəhrəmanların xatirəsini yad etməkdir.