Sovet işğalı günü ilə əlaqədar dövlət bayraqları endirilib

Sovet işğalı günü münasibətilə Hökumət Administrasiyasının binasında dövlət bayrağı endirilib.

InterPress.ge xəbər verir ki, Gürcüstan hökumətinin məlumatına görə, ölkə üzrə inzibati binalarda, eləcə də xaricdəki Gürcüstanın diplomatik nümayəndəliklərində dövlət bayraqları endirilib.

Xatırladaq ki, Gürcüstan Parlamentinin 21 iyul 2010-cu il tarixli qərarına əsasən, 25 fevral Sovet işğalı günü elan edilib.

1921-ci il fevralın 25-də Rusiya Qızıl Ordusu Tbilisini ələ keçirib və Gürcüstanda ümumi və azad seçkilər yolu ilə formalaşmış hakimiyyəti devrilib. Nəticədə beynəlxalq hüququn subyekti olan Gürcüstan Demokratik Respublikasının anneksiyası həyata keçirilib.