Marneulidə ağır yol qəzası: 2 azyaşlı və ataları xəsarət alıb

Marneulidə ağır yol-nəqliyyat hadisəsi baş verib.

InterPress.ge xəbər verir ki, qəza nəticəsində 3 nəfər xəsarət alıb.

Yaralananlar iki azyaşlı və onların atasıdır. Onların hər üçü xəstəxanaya yerləşdirilib.

Məlumata görə, “Mercedes” markalı avtomobil yüksək sürətlə hərəkət edərək ötmə əməliyyatı həyata keçirib. Nəticədə o, azyaşlıların ataları ilə birlikdə olduğu “Toyota Prius” markalı avtomobillə toqquşub.

Hadisə zamanı uşaqlardan birinin və atanın ayağı sınıb, digər azyaşlı isə baş nahiyəsindən xəsarət alıb.

Faktla bağlı araşdırma aparılır.