Xorvatiyanın “Nova TV” kanalı Xorvatiya prezidentinin Gürcüstana planlaşdırılan səfəri ilə bağlı süjet yayımlayıb
Xorvatiyanın “Nova TV” televiziya kanalında Xorvatiya prezidentinin Gürcüstana planlaşdırılan səfəri ilə bağlı süjet yayımlanıb.
InterPress.ge xəbər verir ki, süjet “Prezident Milanoviç prezident Kavelaşvilinin dəvəti ilə Avropa İttifaqının sanksiyaları altında olan ölkə – Gürcüstana səfər edəcək” başlığı ilə təqdim olunub.
Məlumata görə, Xorvatiya prezidenti Zoran Milanoviç bu il ilk rəsmi xarici səfərinə hazırlaşır. O, Gürcüstan prezidenti Mixeil Kavelaşvilinin dəvəti ilə Gürcüstana səfər edəcək.
Məsələ ilə bağlı danışan diplomat və xarici siyasət üzrə ekspert Bojo Kovaçeviç bildirib ki, Gürcüstanın Avropa İttifaqının sanksiyaları altında olmasına baxmayaraq, Xorvatiya prezidentinin bu səfəri Gürcüstana qarşı dost münasibətin göstəricisidir.
“Prezident Milanoviçin bu səfərini Gürcüstana qarşı dostluq jesti kimi qiymətləndirirəm. Biz bilirik ki, Gürcüstan Rusiya Federasiyasına qarşı sanksiyalara qoşulmaqdan imtina etdiyi üçün Avropa İttifaqının sanksiyaları altındadır”, – deyə Bojo Kovaçeviç vurğulayıb.
