İki nəfər avtomobildə güllələnərək öldürülüb

Muxranidə iki nəfərin qətlə yetirilməsi faktı qeydə alınıb.

InterPress.ge xəbər verir ki, mövcud məlumata görə, naməlum şəxslər avtomobildə olan şəxslərə atəş açıb.

Hadisə nəticəsində iki kişi həyatını itirib.

Gürcüstanın Daxili İşlər Nazirliyinin verdiyi məlumata əsasən, faktla bağlı istintaq Gürcüstan Cinayət Məcəlləsinin 109-cu (ağırlaşdırıcı hallarda qəsdən adam öldürmə) və 236-cı (qanunsuz silah-sursat əldə etmə, saxlama və istifadə etmə) maddələri üzrə aparılır.

Hadisənin təfərrüatları və motivləri araşdırılır.