Gəlir Xidmətinin keçmiş rəis müavini saxlanılıb

Külli miqdarda qanunsuz gəlirlərin leqallaşdırılması faktı üzrə təqsirləndirilən Koba Xundadzenin azadlığa buraxılması fonunda onun qardaşı, Gəlirlər Xidmətinin rəis müavini vəzifəsində çalışmış Vladimir Xundadze saxlanılıb.

InterPress.ge xəbər verir ki, bu barədə məlumat Gürcüstan Daxili İşlər Nazirliyi tərəfindən təsdiqlənib.

Mövcud məlumata görə, Vladimir Xundadze istintaq orqanına özü müraciət edib.

Külli miqdarda qanunsuz gəlirlərin leqallaşdırılması faktı üzrə saxlanılan və Grigol Liluashviliyə yaxın şəxs kimi tanınan Koba Xundadze isə həbsdən azad edilib. Vəkil Malkhaz Lafacinin sözlərinə görə, Xundadze 16 yanvar, cümə günü girov qarşılığında penitensiar müəssisəni tərk edib. Müdafiə tərəfi həbs qətimkan tədbirinin hansı əsaslarla girovla əvəz edildiyi barədə açıqlama verməyib.

Xatırladaq ki, Koba Xundadzeyə külli miqdarda qanunsuz gəlirlərin leqallaşdırılması ittihamı irəli sürülüb və bu maddə üzrə 9 ildən 12 ilədək azadlıqdan məhrumetmə cəzası nəzərdə tutulur. Onun yaşayış yerində aparılan axtarış zamanı 94 zərfdə qablaşdırılmış, ümumilikdə 1 milyon 319 min 300 ABŞ dolları məbləğində nağd pul vəsaiti aşkar edilərək götürülüb. Xundadzeyə barəsində əvvəlcə həbs qətimkan tədbiri seçilmişdi.