Yuliya Timoşenko Ukrayna hakimiyyətini “faşist rejim” adlandırdı

Müxalif “Batkivşçina” partiyasının lideri Yuliya Timoşenko, korrupsiya ittihamı ilə bağlı məhkəmə iclasında çıxış edərək Ukrayna hakimiyyətini “faşist rejim” kimi xarakterizə edib.

Timoşenkonun bu açıqlaması barəsində seçilmiş qətimkan tədbirinin müzakirə edildiyi məhkəmə prosesində səsləndirilib. O bildirib ki, hakimiyyət onu ölkədən çıxarmağa cəhd etsə belə, Ukraynanı tərk etməyəcək və vətənində qalacaq.

“Mən bu ölkə öz mahiyyəti etibarilə bu faşist rejimdən azad olunana qədər burada olacağam”, – deyə Yuliya Timoşenko vurğulayıb.

Xatırladaq ki, Ukraynanın Milli Antikorrupsiya Bürosu müxalifət liderini korrupsiya faktları ilə ifşa edib. İstintaq çərçivəsində “Batkivşçina” partiyasının ofisində də axtarış aparılıb.