Politico: Moldova Prezidenti referendum keçiriləcəyi təqdirdə Rumıniya ilə birləşməni dəstəkləyəcəyini bildirib

"Əgər nə vaxtsa Rumıniya ilə birləşmə məsələsi üzrə referendum keçirilərsə, bu birləşməni dəstəkləyəcəyəm.

InterPress.ge xəbər verir ki, bu barədə Moldova Prezidenti Maya Sandu bəyan edib.

Onun sözlərinə görə, Moldova üçün müstəqil şəkildə “ayaqda qalmaq” getdikcə daha çətinləşir. 

Məqalə müəllifi qeyd edir ki, Rumıniya və Ukrayna arasında yerləşən, təxminən 2,4 milyon əhalisi olan Moldova Rusiyanın hibrid müharibəsinin hədəfinə çevrilib.

“Əgər referendum keçirilsəydi, mən Rumıniya ilə birləşməni dəstəkləyərdim”, – deyə Maya Sandu britaniyalı podkastlardan birinə verdiyi müsahibədə bildirib.

“Bu gün Moldovanın ətrafında baş verənlərə baxın. Dünyada baş verənlərə baxın”, – deyə Sandu vurğulayıb və əlavə edib ki, Moldova kimi kiçik bir ölkə üçün demokratik və suveren dövlət kimi mövcudluğunu qorumaq, eləcə də Rusiyaya qarşı müqavimət göstərmək getdikcə daha çətinləşir.

Bununla yanaşı, Sandu qeyd edib ki, Rumıniya ilə birləşmə ideyası Moldova əhalisinin əksəriyyəti tərəfindən dəstəklənmir.

Sorğulara əsasən, moldovalıların təxminən üçdə ikisi birləşmənin əleyhinədir, halbuki bu ideyanın dəstəyi Rumıniyada daha yüksəkdir.