Gürcüstanda havanın temperaturu - 11 dərəcəyədək düşəcək

Qərbi Gürcüstanda hava şəraitinin fasilələrlə buludlu olacağı, bəzi yerlərdə yağış, gecə saatlarında isə dağlıq ərazilərdə qar yağacağı proqnozlaşdırılır.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Məlumata görə, şərq küləyi saniyədə 10–15 metr sürətlə əsəcək, ayrı-ayrı rayonlarda küləyin sürəti 17–22 m/s-dək güclənə bilər. Havanın temperaturu düzənliklərdə gecə 0…+5°, gündüz +12…+17°, dağlıq ərazilərdə gecə -6…-1°, gündüz +8…+13°, yüksək dağlıq ərazilərdə isə gecə -12…-7°, gündüz +2…+7° təşkil edəcək.

Şərqi Gürcüstanda da hava fasilələrlə buludlu olacaq. Əsasən yağıntı gözlənilmir. Şərq küləyi 10–15 m/s sürətlə əsəcək. Havanın temperaturu aran rayonlarında gecə -3…+2°, bəzi yerlərdə -7°-dək enəcək, gündüz +7…+12° olacaq. Dağlıq ərazilərdə gecə -11…-6°, gündüz +4…+9°, yüksək dağlıq zonalarda isə gecə -15…-10°, gündüz -5…0°, bəzi yerlərdə +5°-dək yüksələcək.

12 yanvar – bazar ertəsi, Qərbi Gürcüstanda hava yenə fasilələrlə buludlu olacaq, bəzi yerlərdə yağış, yüksək dağlıq ərazilərdə isə qar yağacağı gözlənilir. Gecə şərq küləyi 10–15 m/s sürətlə əsəcək, bəzi yerlərdə 17–22 m/s-dək güclənəcək. Günün sonuna doğru sahil rayonlarında cənub-qərb küləyinin 12–17 m/s sürətlə əsəcəyi ehtimal olunur. Havanın temperaturu düzənliklərdə gecə +7…+12°, gündüz +10…+15°, dağlıq ərazilərdə gecə -1…+4°, gündüz +8…+13°, yüksək dağlıq zonalarda isə gecə -6…-1°, gündüz +1…+6° olacaq.

Şərqi Gürcüstanda hava şəraiti fasilələrlə buludlu keçəcək, bəzi yerlərdə yağıntı, dağlıq ərazilərdə qar, yüksək dağlıq rayonlarda isə ayrı-ayrı yerlərdə çovğun müşahidə oluna bilər. Külək dəyişkən istiqamətli olacaq, sürəti 10–15 m/s təşkil edəcək. Havanın temperaturu aran ərazilərdə gecə 0…+5°, bəzi yerlərdə -4°-dək enəcək, gündüz +9…+14° olacaq. Dağlıq ərazilərdə gecə -7…-2°, gündüz +4…+9°, yüksək dağlıq zonalarda isə gecə -8…-3°, bəzi yerlərdə -13°, gündüz -5…0°, bəzi yerlərdə +5°-dək yüksələcək.