ABŞ hökuməti Gürcüstanın Müdafiə Nazirliyinə 10 milyon dollardan artıq məbləğdə qrant ayırır

ABŞ hökuməti Gürcüstanın Müdafiə Nazirliyinə qrant əsasında 10 milyon ABŞ dollarından artıq dəyərdə mallar təqdim edəcək.

InterPress.ge xəbər verir ki, bununla bağlı sərəncamı Gürcüstanın Baş naziri İrakli Kobaxidze imzalayıb.

Sərəncama əsasən, ABŞ hökuməti tərəfindən Gürcüstanın Müdafiə Nazirliyinə qrant çərçivəsində ümumi dəyəri 10 431 459,90 ABŞ dolları olan rabitə vasitələri və digər növ mallar veriləcək.

Sənəddə qeyd olunur ki, Gürcüstan hökumətinin 1 iyun 2015-ci il tarixli №238 saylı “Gürcüstanda xarici yardımın əlaqələndirilməsi və Gürcüstan nazirlikləri tərəfindən qrantların verilməsi qaydasının təsdiq edilməsi haqqında” qərarına uyğun olaraq, ABŞ hökumətinin Gürcüstanın Müdafiə Nazirliyinə PB-B-WFK, DT-B-WAZ, PB-B-WFJ, DT-B-WBC və DT-B-WBA qrantları çərçivəsində ümumi dəyəri 10 431 459,90 ABŞ dolları olan malların verilməsi ilə bağlı qərarı təsdiqlənib.

Həmçinin “Qrantlar haqqında” Gürcüstan qanununun 4-cü maddəsinin “g” bəndinə əsasən, Gürcüstanın Müdafiə Nazirliyinə bu sərəncamda nəzərdə tutulan ABŞ hökuməti tərəfindən ayrılmış qrantlar hesabına rabitə vasitələri və digər malların qəbulunu həyata keçirmək səlahiyyəti verilib.