Yunanıstanda qadını öldürməyə cəhd edən Gürcüstan vətəndaşı saxlanılıb

Yunanıstanın Saloniki şəhərində Gürcüstan vətəndaşı partnyorunu öldürməyə cəhd etməkdə ittiham olunaraq saxlanılıb.

InterPress.ge xəbər verir ki, bu barədə yerli media məlumat yayıb.

Məlumata görə, 44 yaşlı kişi 34 yaşlı partnyorunu iplə boğmağa cəhd edib. Qadın hücum edən şəxsdən qaçaraq xilas olub və bundan sonra polisə müraciət edib. Şikayət əsasında faktla bağlı cinayət işi başlanıb.

Hadisə bazar günü gecə yarısı qadının Salonikidə yerləşən evində baş verib. Yerli medianın yazdığına görə, insident zamanı qadının 14 yaşlı övladı da hadisənin şahidi olub.

Saxlanılan şəxs hazırda həbsdədir.