ABŞ Ali Məhkəməsi eynicinsli nikahların ləğvi ilə bağlı müraciəti rədd edib

ABŞ Ali Məhkəməsi ölkə üzrə eynicinsli nikahların leqallaşdırılmasını nəzərdə tutan tarixi qərarını ləğv etmək çağırışını rədd edib.

Medianın məlumatına görə, Ali Məhkəmənin hakimləri Kentukki ştatının keçmiş məmuru Kim Devisin apellyasiya şikayətini heç bir şərh vermədən təmin etməyiblər. Kim Devis vaxtilə eynicinsli cütlüklərə nikah lisenziyalarının verilməsindən imtina etmişdi.

Devis aşağı instansiya məhkəməsinin qərarının ləğvinə nail olmağa çalışırdı. Həmin qərara əsasən, o, nikah lisenziyası verilməyən cütlüyə 360 min ABŞ dolları məbləğində təzminat və vəkil xərclərini ödəməyə məcbur edilib.